ಸೊಳ್ಳೆ

• ಕೀಟಗಳ ಪ್ರಭೇದಕ್ಕೆ ಸೇರಿದ ಸೊಳ್ಳೆಯ ಉದ್ದ ಸಾಮಾನ್ಯವಾಗಿ ೧೬ ಮಿ.ಮಿ.ಗಿಂತ ಕಡಿಮೆ ಹಾಗೂ ಇದರ ತೂಕ ೨.೫ ಮಿ.ಗ್ರಾಂ.ವರೆಗಿದೆ.


• ಇದು ನಿರಂತರವಾಗಿ ೧ ರಿಂದ ೪ ಗಂಟೆಯವರೆಗೆ ಹಾರಬಲ್ಲದ್ದಾಗಿದ್ದು, ಗಂಟೆಗೆ ೧ರಿಂದ ೨ ಕಿ.ಮೀ.ನಂತೆ, ಒಂದೇ ಬಾರಿಗೆ ೧೦ಕಿ.ಮೀ.ವರೆಗೆ ಕ್ರಮಿಸಬಲ್ಲದು.


• ಬೆಳಿಗ್ಗಿನ ಸಮಯದಲ್ಲಿ ತಂಪಾದ ಸ್ಥಳಗಳಲ್ಲಿ ವಿಶ್ರಮಿಸುವ ಇವುಗಳು, ಸಂಜೆಯ ನಂತರ ಮತ್ತು ರಾತ್ರಿಯ ವೇಳೆ ತಮ್ಮ ಆಹಾರ ಅರಸಿ ಹೊರಡುತ್ತವೆ.


• ಹೆಣ್ಣು ಮತ್ತು ಗಂಡು ಸೊಳ್ಳೆಗಳೆರಡೂ ಮಕರಂದ ಅಥವಾ ಗಿಡದ ರಸ ಹೀರಿ ಬದುಕುವುದಾದರೂ, ಹೆಣ್ಣು ಸೊಳ್ಳೆ ಪ್ರಾಣಿಗಳ ರಕ್ತ ಕುಡಿಯುವುದೂ ಅಲ್ಲದೇ, ಕೆಲವು ಮಾರಣಾಂತಿಕ ಕಾಯಿಲೆ ಹರಡುವುದೂ ಉಂಟು.


• ಹೆಣ್ಣು ಸೊಳ್ಳೆಗೆ ಅದರ ಅಂಡಾಣು(ಮೊಟ್ಟೆ) ಬೆಳೆಯಲು ಹೆಚ್ಚಿನ ಪ್ರೋಟೀನ್ ಮತ್ತು ಕಬ್ಬಿಣದ ಸತ್ವದ ಅವಶ್ಯಕತೆಯಿರುವುದರಿಂದ , ಬದುಕಲು ರಕ್ತದ ಅವಶ್ಯಕತೆ ಇರದಿದ್ದರೂ ಇತರ ಪ್ರಾಣಿಗಳ ಮೇಲೆ ಈ ಅವಲಂಭನೆ.


• ಇದರ ಜೊಲ್ಲು ರಕ್ತ ಹೆಪ್ಪುಗಟ್ಟವುದನ್ನು ತಡೆದು, ಲೀಲಾಜಾಲವಾಗಿ ರಕ್ತ ಹೀರಲು ಸಹಾಯ ಮಾಡುತ್ತದೆ.


• ಕೆಲವು ಬಗೆಯ ಸೊಳ್ಳೆ(Toxorhynchites) ಪ್ರಾಣಿಗಳ ರಕ್ತ ಹೀರದೆ, ಇತರ ಸೊಳ್ಳೆಗಳ ಲಾರ್ವಾವನ್ನು ಕಬಳಿಸುತ್ತವೆ. ಇಂತಹ ಸೊಳ್ಳೆಗಳನ್ನ, ಸೊಳ್ಳೆ ನಿಯಂತ್ರಣಕ್ಕೆ ಬಳಸಿ ಯಶಸ್ಸು ಕಂಡಿದ್ದಾರೆ.


• ಡ್ರಾಗನ್ ಫ್ಲೈಯ ಆಹಾರ ಕೂಡ ಸೊಳ್ಳೆಯ ಲಾರ್ವಾ ಆಗಿದ್ದು, ಸೊಳ್ಳೆಯ ಸಂತತಿ ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ.

ಮಾಹಿತಿ: ವಿಕಿಪೀಡಿಯಾ
ಚಿತ್ರ ಕೃಪೆ: ಪಾಲ