ಶತಕ

ಮಾರುದ್ದ ಜಡೆ, ಮೋಹಕ ಕಂಗಳವಳು
ಮಾತನಾಡಿಸಿದರೆ ನಾಚುವಳು
ದೂರ ಸರಿದರೆ ಕಳ್ಳ ನೋಟವ ಬೀರುವಳು
ಮಾತನಾಡಳೆಂದು ಬೇರೆ ಬಾಲೆಯರೊಡನೆ ಹರಟಿದರೆ,
ಹುಸಿ ಮುನಿಸ ತೋರುವಳು

ಹೊಸ ಉಡುಗೆ ಉಟ್ಟು ವಯ್ಯಾರ ತೋರುವಳು
ಅವಳಂದವ ಹೊಗಳಿದರೆ ಕೆಂಪಾಗುವಳು
ಗಮನಿಸದಿರೆ ವಾರಗಳುರುಳಿದರೂ ಬಳಿ ಸುಳಿಯಳು

ಹಗಲೆಲ್ಲಾ ದೂರವಾಣಿಯಲಿ ಪಿಸು ಮಾತು, ಸದ್ದು
ಗೆಳೆಯನಿರಬಹುದೇ ಎಂದು ಕೇಳಬಯಸಿದರೆ ಕದ್ದು
ಹೊರಡುತ್ತಾಳವಳಲ್ಲಿಂದ ಎದ್ದು

ನಲ್ಲೆ ಎನಲು ಒಲ್ಲೆ ಎನಳು
ಓಲೆ ಕಳಿಸಿದರೆ ಕಲೆ ಹಾಕುವಳು
ಉತ್ತರ ಕೇಳಿದೊಡೆ, "ಇದು ನನ್ನ ೧೦೦ನೇ ಪ್ರೇಮ ಪತ್ರ ಎಂದಳು"!