ಬಯಕೆ

ಮನದ ಸೊಬಗ ಬಯಸಿದ್ದೆ,
ಮೈಯ ಅಲಂಕಾರವನಲ್ಲ

ಕಣ್ತುಂಬ ತುಂಬು ಪ್ರೀತಿಯ ಬಯಸಿದ್ದೆ,
ತುಟಿಯ ನಗುವನಲ್ಲ

ಮೊಗದಲಿ ಕಾತರದ ನಿರೀಕ್ಷೆಯ ಬಯಸಿದ್ದೆ,
ಅಗಲಿಕೆಯ ನಿರಾಳತೆಯನಲ್ಲ

ಭೇಟಿಯ ಮಧುರ ಎದೆಬಡಿತವ ಬಯಸಿದ್ದೆ,
ಮೈಯ ಸ್ಪರ್ಷವನಲ್ಲ

ಏಕಾಂತದಲಿ ಜೊತೆ ನಡೆಯ ಬಯಸಿದ್ದೆ,
ಗದ್ದಲದೊಳು ಧಾವಿಸಲಲ್ಲ

ಪ್ರೀತಿಯ ಕೈತುತ್ತು ಬಯಸಿದ್ದೆ,
ರುಚಿ ಅಡುಗೆಯನಲ್ಲ

ಸತ್ಯದ ಸೌಂದರ್ಯವ ಬಯಸಿದ್ದೆ,
ಸುಳ್ಳು ಹಿತನುಡಿಯನಲ್ಲ

ಸಂತಸದಿಂದಿರಬೇಕೆಂದು ಬಯಸಿದ್ದೆ,
ಮುಖವಾಡ ಧರಿಸಲಲ್ಲ